ICE AGE

Bos dias! Ás veces os animais teñen vidas máis sinxelas cas dos humanos, non si? Pensamos que non sempre atopan comida, deben fuxir dos animais depredadores, durmen á intemperie, pero...son felices!!!. Aquí vos deixo unha mostra.   Película: ICE AGE  (a idade do xeo).                     A  DIVERTIRSE...!

COMPOSITORES

    Os  grandes  compositores de Música Clásica como son: Mozart, Beethoven, Chopin, Haëndel, Schumann, Strauss (pai), Strauss (fillo), Falla, Bach, Verdi, Tchaikowsky, etc. non tiveron unha vida fácil pois non sempre valoraron o seu talento musical. Déixovos aquí algunhas biografías para que busquedes información sobre eles.

O GATO PACO

     Sabedes que lle pasou ao gato Paco? Escoitade atentamente e xa mo contaredes...
                                     

                             
                                                           

FUN AO MERCADO

     Que tal nenas e nenos? Déixovos aquí unha cantiga por se tedes que saír comprar algún alimento ao mercado... ☺ 

                                         

QUE INSTRUMENTO SOA?

   Como andades de oído?  Preséntovos un xogo de discriminación tímbrica dos instrumentos. Fai clic no arpa . Adiante!!..

J'E VOLE

      Recoméndovos a película  musical LA FAMILIA BÉLIER, na que escoitaredes cancións francesas.  A sinopse  trata sobre unha xove cuxos proxenitores son xordomudos. Louane descobre que ten talento para cantar. O que máis desexa é expresarse, coa súa belísima voz e coa linguaxe de signos que domina, de xeito que súa nai e pai tamén sintan esa emoción. Título da canción: J'e vole 

                                           
                                   

EU SON UN ARTISTA

       Olaaaaa..!!!!  Esta cantiga  Eu son un artista de Mamá Cabra, ensinarávos o timbre de moitos instrumentos: gaita, saxofón, clarinete. É, ademais, moi alegre.  ☺
                   

                                                   

IMOS BAILAR

.  Esta canción Imos bailar, figura no disco Ola, ola, la de Mamá Cabra. Xa podedes comezar a bailar, como nos mostran estes nenos e nenas no vídeo.

                                         

                                               
                                                         
                               

EU QUERO A LÚA

   Aquí tedes unha nova canción, editada no libro-disco Xoque Xoque, Fiu, Fiu, de María Fumaça. A cantar todos moi forte..!!!
                     

                                           

EL POLLITO AMARILLITO

Ola peques!!   Xa podedes comezar a cantar e bailar, co pollito amarillito.
     

                                                       

LINGUAXE MUSICAL

              A lectura de notas é unha práctica moi importante. Este xogo serávos útil para repasar.

                                                 
                                 
                                 

XOGO de RITMOS

      ☺  Este xogo propón que identifiques o ritmo que soa. 

                                                  

XOGO de NOMES DOS INSTRUMENTOS

   Bos días!  Déixovos un xogo de emparellamento do nome dos instrumentos coa súa imaxe. E......a divertirse!!!   

PIANO DE COLA

           

Tarefas para 5º e 6º.

Bos días: O alumnado de 5º terá que facer un traballo sobre as FAMILIAS ORQUESTRAIS, escollendo unha delas -vento-madeira (frauta traveseira, oboe, clarinete e fagot),    vento-metal (trompeta, trompa, trombón, tuba),  cordas fretadas -violín, viola, violoncello, contrabaixo), cordas punteadas (bandurra,mandolina,laúde, arpa, guitarra)-,  cordas percutidas (piano, celesta, clavicordio)-,  percusión 1 (timbais, xilófono, marimba, caixa chinesa, pratos, bongós, bombo)  ou ben percusión 2 (triángulo, maracas, campás tubulares, agogó, vibráfono, metalófono, güiro, tamboril). 
AS FAMILIAS ORQUESTRAIS QUE PODE ESCOLLER O ALUMNADO son as que aparecen con distintas cores.
       O guión é o seguinte: portada, descrición do instrumento, características da familia orquestral, partes do instrumento e fontes informativas.  Podedes facer o traballo on-line e copialo nun pen-drive ou ben facelo manuscrito, con ou sen fotografías ou debuxos, en galego.Tedes que seguir estes apartados e non outros, sen estenderse.
       PREFIRO QUE NON CONSULTEDES a WIKIPEDIA. Déixovos uns enlaces:
 https://leitersblues.com/los-instrumentos-de-la-orquesta
 https://instrumentosmusicales10.net/instrumentos-de-cuerda
 https://losinstrumentosdeviento.com/metal/
 https://losinstrumentosdeviento.com/madera/
 https://www.instrumentosdepercusion.com/
       Facede o traballo adicándolle 5 min. cada día, se tedes tempo, sen agobios. TEDES 1 MES DE PRAZO para facelo, ata o día 24 de abril.  Xa mo entregaredes en persoa. 

     O alumnado de 6º terá que facer un traballo sobre COMPOSITORES CLÁSICOS, escollendo entre este listado que vos deixo, tendo en conta o seguinte. Segundo o nº que tedes na listaxe de alumnos por orde alfabética, así escolleredes o compositor. Por exemplo: se Ignacio é o nº 3 de clase, escollerá o compositor nº 3.
COMPOSITORES: 1.TCHAIKOWSKY, 2.BEETHOVEN, 3.MOZART, 4.VIVALDI, 5.STRAUSS (fillo), 6.SAINT-SAËNS, 7.HAËNDEL, 8.SCHUBERT, 9.SCHUMANN, 10.WAGNER, 11.CHOPIN, 12.FALLA, 13, TURINA, 14.ROSSINI, 15.VERDI, 16. RIMSKY-KORSAKOV.
      O guiòn é o seguinte: portada, datos da súa vida, periodo musical  (clasicismo, romanticismo, barroco, ...)ao que pertence, anécdotas, cidades nas que viviu, obras que compuxo, fontes informativas.  Podedes facer o traballo on-line e copialo nun pen-drive ou ben facelo manuscrito, con ou se fotografías ou debuxos, en galego. A extensión máxima será de 5 folios en papel, por unha cara  e  de 3 páxinas en formato power-point.
               PREFIRO QUE NON CONSULTEDES a WIKIPEDIA.  Déixovos uns enlaces: 
 https://www.biografiasyvidas.com/biografia/b/bach_sebastian.htm
 https://www.musicosclasicos.com/biografias.htm
      FACEDE o traballo adicándolle 5 min. cada día, se tedes tempo, sen agobios. TEDES 1 MES DE PRAZO PARA FACELO, ata o 24 de ABRIL.  Xa mo entregaredes en persoa.

EL LIBRO DE LA SELVA

Como estades, nenas e nenos? Tedes que seguir aprendendo cancións moi divertidas así que...aquí vos deixo "busca lo más vital", da película El libro de la selva, e comede moitos plátanos e outras froitas para medrar moi fortes.

                                               

O VOO DA POMBA

Escoitade esta fermosa melodía  O voo da pomba , composta polo grupo  MILLADOIRO, formado nos anos 70, un dos grupos galegos de maior relevancia na música folk celta.

              

PARA VIGO ME VOY

   Aquí tedes a letra desta canción de Lecuona, cantada por Compay Segundo e Carlos Núñez, destacado gaiteiro vigués de proxección internacional.

MUSICOGRAMAS

    Musicograma de EN EL PALACIO DEL REY DE LA MONTAÑA de E. GRIEG.

              

A ESCALA MUSICAL

       Tedes que realizar este exercicio para completar e colocar cada nota no seu sitio.

     

FRAUTA DOCE

   Ola alumnas/os! Neste vídeo aprendemos a tocar a frauta doce. Practicade moito, 5 ou 10 min. diarios!!

             

FAMILIAS ORQUESTRAIS.

  Seguidamente, preséntovos un XOGO de memoria para que aprendades as FAMILIAS ORQUESTRAIS : vento, cordas e  percusión. 

                                        

Diversións Musicais

⌛    Ola rapazas e rapaces!  Estas son as accións máis importantes en Educación Musical . Cales vos resultan máis doadas?

       

                                                   

                         

BILLY ELLIOT

Ás veces pensades que non tedes certas habilidades e non vos atrevedes a intentalo. Nunca hai que rendirse e sempre hai que intentar superarse, con tesón, como fixo Billy Elliot.  Seu pai quería que fose boxeador, pero a Billy non lle gustaba ese deporte. E sabedes que...? Logrou o seu soño,: ser bailarín !!!!!

                                         

COCO

Ola nenas e nenos!  Xa tedes ganas de movervos e cantar fortissimo, non? Aquí vos deixo unha canción, da película COCO, que vos fará brincar e saltar.  Aprendédea ben, pois éche ben alegre!

COCO 1

Ola a todas e todos! Como estades? Déixovos unha fermosa canción, da película COCO, que seguramente aínda non sabedes. Aprendede ben a letra e.... a cantar...!

O REI LEÓN.

Nenas e nenos, seguramente xa coñecedes ao rei León, a Timón e a Pumba pero...sabedes o ben que cantan? Cantade con eles...☺☺☺

OS NOMES DAS NOTAS

Aquí podedes practicar os nomes das notas.

                         

FIGURAS E SILENCIOS.

  ...  Este é un XOGO para emparellar as figuras cos seus silencios.   Moita sorte !!